Молитва о душах несмысленных, не ведущих Бога и не верующих в Него, с которой сама св.блаженная Матрона предстоит пред Престолом Божиим (явленная ею самою)

Пресвятая Троице, Боже и Творче наш. Сотворивый всяку душу и всяку тварь на Небеси и на земли, Славимый и Покланяемый от Ангел и человек верных, спаси души несмысленные, не ведущие Тебе и не верующие в Тя не по злому произволению своему, но по упущению родителей своих, учителей своих и пастырей своих недостойных. Даруй им зрети величие Твое, и покажи им бездну грехов их, от юности, непрестанно в неведении совершаемых по наущению врага нашего спасения. Подаждь им благое произволение к покаянию, приведи их в храмы Божий и присоедини их, крещеных, но не верующих, и верующих, но не крещеных, ко Святей Твоей Соборней и Апостольстей Церкви, молитвами Пречистая Владычицы нашея Богородицы и Приснодевы Марии и всех Твоих святых. Аминь.

 Молитва воина Христова

Пресвятая Троице, Боже мой, благослови раба Твоего (рабу Твою) (имя), на брань шествующего (шествующую), огради мя от всякаго зла, порази бесов видимых и невидимых, на мя возстающих, сохрани мя невредима (невредиму) от козней сатаниных и чар колдовских, избави мя от страха иудейска и бесовска, и подаждь ми вся благопотребная для дела, егоже Ты изволиши ми сотворити во славу Твою. Услыши, мя Господи, просвети Лице Твое на мя и помилуй мя. Аминь.

 Молитва Господу нашему Иисусу Христу об избавлении от пианства и наркомании и всякого инаго дурмана

Господи Иисусе Христе, Пастырю добрый словесных Твоих овец! Ты рекл еси иногда Апостолом Твоим: «Пастырь добрый душу свою полагает за овцы...» (Ин. 10, 11). Овцы Моя гласа Моего слушают, и Аз знаю их, и по Мне грядут. И Аз живот вечный дам им, и не погибнут во веки, и не восхитит их ни ктоже от руки Моея» (Ин. 10, 27-28). Верно слово всяко Создателя нашего, и не изнеможет у Бога всяк глагол. Спаси же, Сладчайший наш Иисусе, овцы Твоя заблудшия, страстию пианства и всякаго инаго дурмана одержимыя, глусии яко аспиды к увещеванием ближних своих и отцев духовных, буии и слепни, в бездну адову легионами бесовстими влекомые яко стадо свиное, при жизни мертвии. Изыди во взыскание их, Господи, возложи я на раме Свои яко овча заблудшее, даруй им зрети безумие свое, и положи на сердце им намерение благое ко исправлению жития своего греховнаго. Даждь им веру твердую и упование несумненное на спасение, и время довольно на покаяние. Ближним же их даруй терпение и любовь к ним, погибающим. Помози нам, Господи, аще хощеши, и спаси ны яко Милосерд. Аминь.

 Молитва подвижнице благочестия блаженной девице Пелагии Рязанской

О, блаженная девице Пелагие, возлюбленная дщи пастыря Саровского Серафима пламенного! Еще в земнем житии твоем нас, нынешних, возлюбившая, и прорекшая нас ради вся грядущая на род наш, заступи ны молитвами твоими ко Господу во дни погибели и отступления от веры истинныя Православныя, укрепи дух наш в обышедших нас скорбях лютых, избави ны от слуг антихристовых, волков в овечьих шкурах, за собою нас во ад влекущих, подаждь нам хлеба во дни гладныя, и кровы во дни бегства нашего, укрый нас от антихриста в пустыне, от века Богом нам предуготованной, и умоли Господа даровати нам прощение прегрешений наших и жизнь вечную на Земли новой, под Небом новым. Аминь.

 Молитва св. блаженной старице Матроне, явленная ею самою

О святая блаженная мати Матроно, душею на небеси пред Престолом Божиим предстояй, телом же на земли почиваяй и данною ти свыше благодатию различные чудеса источаяй! Призри ныне милостивным твоим оком на ны, грешные, в скорбех, болезнех и бесовских искушениях дни свои иждивающия. Прославленная Богом и человеками, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих скорбей и обстояний, и умоли Господа нашего Иисуса Христа простить нам вся наша согрешения, беззакония и грехопадения, елика мы от юности нашея даже до настоящего дне и часа согрешихом, да твоими молитвами получивши благодать и велию милость, прославим в Троице Единаго Бога, Отца, и Сына, и Святаго Духа, и ныне, и присно, и во веки веков. Аминь. (Дана в откровении в ночь с 22 на 23 октября/4-5 ноября 1996 г.)

 Молитва св.преподобному старцу Феодосию Кавказскому

О, преподобие и богоносне отче наш Феодосие! Служением твоим, подвигом молитвенным, бдением, лощением и окормлением духовных чад твоих ты стяжал еси велию благодать и милость у Господа. И ныне пред лицем славы Его предстояй и неизглаголанного блаженства наслаждаяйся, умоли Человеколюбца Бога избавить чад твоих от скорбей и болезней, бесовских искушений и нападений, волхвования и человек лукавых, диаволом наущенных вредити чадам Божиим, и от всякого зла, и простить нам согрешения наша, вольная же и невольная, да молитвами твоими спасаемые, достигнем кончины живота нашего, безболезненныя, непостыдныя и мирныя, и сподобимся улучити блаженство обители райския. Аминь. (5.10.1998 г.)

 (Читается при необходимости от нападений бесовских, от волхвов и от якого прилога злаго)

 Молитва блаженному старцу иеросхимонаху Сампсону

О досточудне и прелюбиме старче наш Сэмпсоне! Прежде исхода твоего от жития сего тленнаго ты всем был еси вся, да всяко некия спасеши. И ныне, пред Престолом Божиим ликуя со Ангелы, не оставляй нас, чад своих неразумных, твоим заступлением, да всяк, ко гробу твоему святому притекающий, утешен будет. Подавай же, отче святый, нам, скорбящим, утешение, исцеляй недугующия и бесныя, вразумляй неразумныя, умудряй слепцы и выну полагай нам на сердце мысль благу, ведущую нас к спасению. Мы же, неразумные, твоего отеческаго наставления взыскуем, ибо начавши здати, не можем совершити. Испроси нам у Господа смирения и незлобия совершеннаго и умоли Царя Небеснаго простить нас грешных. Аминь.

 Молитва блаженному митрополиту Трифону

О блаженнеший Владыко, досточтимый отче наш Трифоне! Се чада твоя (имена), предстоя пред чудным твоим Образом, молят тя со слезами умиления: настави нас, блуждающих в море житейском, сохрани нас в ограде Святой, Соборной и Апостольской Церкви, и приведи нас к тихой гавани Царствия Небесного. Помози и заступи нас во всех благих делех наших, и избави нас от козней бесовских и человек лукавых. Аминь.

 (Читать в духовных искушениях, особенно в искушениях от духовников)

 Молитва блаженному старцу Аристоклию Афонскому, чудотворцу Московскому

О, предобрый наш пастырю, блаженне старче Аристоклие, Афонский подвижниче, Московская похвало! Ты, яко птица небесная, прелетел еси от земли Русския на Святую Гору Афон, себе в первый Удел Царицею Небесною взятую, да паки возвратишися, украшенный неисчислимыми добродетельми, в Третий Рим, стольный град Москву. Помози нам, чадам твоим, в горькие дни нашего искушения, Господом попущеннаго за отступление отец наших от веры истинныя Православныя. Укрепи нашу веру, испроси нам у Господа зрения прегрешений наших, приведи нас к сокрушению сердечному о гресех наших и помози нам принести плоды достойные покаяния. Уврачуй растленныя умы, души и телеса наши и привлецы к себе малое стадо Христово, да внидем по кончине живота нашего вслед за тобою в Царствие Небесное молитвами твоими, преблаженне отче наш. Аминь.

 Молитва блаженному старцу схиархимандриту Захарии

О преблаженне отче наш Захарие! Якоже ты добился еси видения и посещения Матери Господа нашего Иисуса Христа, в житии твоем многажды тебе являвшейся и тебе наставлявшей и утешавшей, такожде и нас, грешных, настави и утеши в скорбех и обстояниих наших. Умоли Владычицу мира явити и нам милости Свои и наставити ны на путь спасения. Буди нам помощник и ходатай ко Пресвятой Владычице нашей Богородице и умоли Господа нашего Иисуса Христа даровати и нам, якоже и тебе в житии земном, благодать Духа Святаго и непрестанную теплую молитву. Аминь. (5.08.1998 г.)

 (Читать, когда одолевает суета мирская и ослабевает молитва, при искушении сомнения, и всех трех Евангельских искушениях)

 Молитва блаженной схимонахине Макарии

О прелюбимая и блаженнейшая мати наша Макарие! Приими от верных сердец наших умильное моление сие: сохрани мир и благочестие в семье нашей, умножи нашу веру в Бога, надежду на Него и любовь к Нему, Отцу нашему Небесному, испроси нам у Господа молитву горячую и сердечную, уврачуй нас, болезнующих душею же и телом, умасти раны наши елеом милости твоея и напои нас, жаждущих, мудростию словес твоих. Избави дом наш и всех ближних рода нашего от враг видимых и невидимых, огради нас от всякого обстояния, належащего на ны, и умоли Господа нашего Иисуса Христа помиловати и спасти нас грешных. Аминь. (23.07/5.08.1998 г.)

 Молитва блаженной схимонахине Параскеве (Паше Саровской)

О великая пророчице Божия, блаженная мати моя Параскево! Не вижу я, по грехом моим, промысла Божия о мне и ближних моих. Враг же спасения нашего тщится дерзостно ввергнути мя, окаянного (окаянную), в бездну греховнаго уныния. Помози ми, блаженная мати, озари ум мой, долу поникший, премудростию Божиею, и успокой сердце мое, тебе любящее и Господа моего чтущее. Аминь.